Det er ikkje meir enn eit par veker sidan eg la ut eit fint vårteikn her på bloggen: Ein nydeleg gul krokus. Trudde verkeleg at våren var komen no. Men det ser ikkje slik ut no. Stadige snøbyger overraskar oss her på vestlandet langt ut i mars. Rare greier.
Biletet er frå dagens fjelltur opp på eit av byfjella. Ikkje greier eg å sjå noko vårteikn her. Det er som om vinteren gjer alt han kan for å unngå at våren skal koma.
Dagens fjelltur var fin den, og overraskande nok var det ein del som gjekk på ski der oppe i høgden. Tinka og eg gjekk på føtene altså. Og det tok si tid. Skikkeleg sliteføre å koma seg opp i all den snøen. Eg likar snø altså, men når han ikkje kan koma når han skal, om vinteren, så kan han venta til neste vinter. For no vil eg og sikkert mange andre ha vår. Hmm...
Eg har no teke til å planleggja sommaren, eg, med vandring frå hytte til hytte slik som før denne korona-sjauen. Ser verkeleg fram til det. Godt å ha noko å sjå fram til, sjølv om det er ei stund til sommaren. Men først må våren koma skikkeleg slik at det vert ein sommar å sjå fram til.
Får smørja meg med ein god del tolmod....
Ingen kommentarer:
Legg inn en kommentar