- Andre stader kunne ein sjå kjelder som berre stod og kokte. Der kunne temperaturen vera 80-100 grader. Altså litt i varmaste laget å bada i. Ein kunne sjå at det rauk over vatna og høyra korleis det kokte nedi jorda, så kven veit kva som skjedde under føtene våre av ubereknelege krefter. Kanskje like greitt at ein ikkje veit.
- Island er eit ungt og uferdigt land. Frå tid til annan vert det laga nytt land av lava frå det indre av jorda. Vulkanutbrot og jordskjelv er nesten ein del av kvardagen. Einkvar islending veit at det kan skje brått og uventa, men det ser ut til at dei lever godt med den tanken. Det er dette som er landet deira, og slik er det der. Dei har forlengst innretta seg etter det.
- Tingvellir imponerte med mykje spesiell islandsk natur. Sprikker i jorda som viser at terrenget forandrar seg. Gammal lava som vulkanar har spydd ut gjennom tidene Og tilgroing opp att på etter lang tid.
Ingen kommentarer:
Legg inn en kommentar